دكتورة مريم ميلاد تكتب.. علاج النسيان و ضعف الذاكرة عند الأطفال
على وشك موسم لإمتحانات ونحتاج من أولادنا الوعي والتركيز . سنذكر في هذا المقال ؛ أسباب وعلاج النسيان و ضعف الذاكرة عند الأطفال.
أسباب_النسيان:
١| أسباب مرضية زى الأنيميا و أمراض سوء التغذية
٢| أسباب نفسية زى الخوف والقلق و التوتر و الملل
٣| أسباب إجتماعية زى التفكك الأسرى و غيرها..
٤| عدم ملائمة البيئة المحيطة زى الضوضاء و الأصوات الصاخبة
٤| أسباب غذائية زى عدم تناول وجبة الفطور أو نقص العناصر الغذائية المفيدة فى طعام الطفل
علاج_النسيان_عند_الأطفال
١| إختيار الوقت المناسب للمذاكرة من ٣ الفجر إلى ٨ صباحاً “المذاكرة البدرية مفيدة ومش منسية”
٢| تهيئة البيئة و الجو المحيط بالطفل مثلاً لا يتعرض للحر الشديد أو البرد . أو تكون المذاكرة بجوار التليفزيون أو أماكن فيها أصوات عالية .
٣| الحرص على تناول وجبة الفطور و تقديم الأطعمة المفيدة خاصة الأطعمة الغنية ب الأوميجا ٣ و فيتامين ب
٤| لابد من بث روح التشجيع و الطمأنينة للطفل ويمنع تماما التخويف و التهديد و الترعيب
٥| تغيير مكان المذاكرة من وقت لآخر لكسر الملل
٦/ اجعلوا المذاكرة على هيئة مسابقة و هدايا و حاجات حلوة تشجع على المذاكرة
٧| أفضل طريقة للمذاكرة هى الطريقة اللى بيستعمل فيها الطفل الحواس كلها يعنى يقرأ و يكتب و يسمع ليس فقط قراءة
كلنا عارفين إن كلمة ” يالا نذاكر ” دى أصعب كلمة الطفل بيسمعها و كلنا عارفين برضو قصة الطفل اللى إنتحر بسبب الإمتحانات و المذاكرة ف رجاءاً خليكم حنينين على أولادكم و بلاش الضغط العصبى و التوتر الشديد اللى بيبقى وقت الإمتحانات
مرحلة و هتعدى فبلاش نعديها على حساب صحتنا و صحة أولادنا
بالنجاح والتوفيق لأولادنا
د/مريم ميلاد
أخصائية طب الأطفال واستشارى التغذية العلاجية للأطفال جامعة Edmore الأمريكية