 |
| وفاء سالم |
كشفت الفنانة وفاء سالم، اليوم السبت، عن ردود الأفعال التي تلقتها بعد حديثها عن التحرش، بعد الفيديو التي نشرته وأعلنت فيه تفاصيل تعرضها للتحرش على يد أقاربها.
ونشرت وفاء سالم على صفحتها الرسمية بـ يوتيوب فيديو جديد تتحدث خلاله عن تعرضها للتحرش، قائلة: جاتلي مكالمات كتير من كل الدول العربية بسبب الحلقة اللي فاتت، ومفيش ست شافت الحلقة إلا وعمل صدى جواها بسبب التحرش، سواء بيتحرشوا بيها وهي صغيرة وهي شابه وهي عجوزة.
وأضافت وفاء قائلة: أنا بتحرج أنزل أجيب خضار مش عارفه ازاي جيلهم قلب يتحرشوا بيا، وعايزه أقول للساكنين اللي بيقولوا أني فضحت أهلي أنا قولت بعض القرايب ومذكرتش كلمة تحرش، والأذى النفسي عمره ما بيروح.
واستكملت الفنانة وفاء سالم حديثها: الألم النفسي بيأثر على نفوسنا عموما، اللي حابه أقوله لما كلموني كتير من السيدات وطلبوا مني أكون صوتهم دا شرف كبير ليا، ولما بعت الفيديو لأختي تيما في أمريكا سمعت صوت تشجيعها، وأختي غيثاء في حلب قالتلي ايه اللي الفيديو اللي عاملاه قالتلي من فضلك شيلي، قولتلها اللي قولته دا محصلش معاكي وأنتي صغيرة قالتلي حصل بس مينفعش نفضح قرايبنا.
وعن الفساتين السوداء التي ارتداها نجوم هوليود في الجولدن جلوب، قائلة: النجوم في جولدن جلوب لبسوا أسود احتجاجًا اللي حصلهم بسبب التحرش منهم أنجلينا جولي وسلمى حايك، وعايزه أطلق حملة اسمها وأنا كمان عشان أقول لكل حبايبي واللي اتعرضوا للتحرش، وهنطلق هاشتاج لأنه شئ مؤذي على مدار العمر.
