يا أما يا روحي يا دنيتي
يا كل اللي ليا
انتِ حبيبتي أنا بعشقك
يا غاليه عليا
أيوة انتِ عمري مصدقك
يا نور عنيا
قمري ودوايا وسكتي
يا أجمل هديه
من روحي نفسي أوهبك
روحي البقية
وتعيشي يا أما وتفرحي
يا حبيبتي بيا
وسهرتي يا أما تهنني
تاخدي بإيديا
دمك دا دمى ودمعتك
بتهد فيا
يا أما يا روحي يا دنيتي
يا نور حياتي
لو يوم بعدتي هتنتهي
كل حكاياتي
وهعيش لوحدي بغربتي
تكتر آهاتي
طب مين هيمسح دمعتي
غيرك ليلاتي
أو مين هيسمع شكوتي
لحظة سكاتي
بستان حياتي يا زهرتي
وأجمل ساعاتي
يا أما يا روحي يادنيتي
همسح دموعك
أنا عمري تاني ما أزعلك
وهقيد شموعك
ولا عمري هنسى فرحتي
لحظة رجوعك
ولا هنسى يا اما دمعتي
لحظة وقوعك
يا أما يا روحي يادنيتي
انتِ الحقيقة
انتِ الهنا وانت الدفا
يا عيون بريئه
ما اقدرش ابعد يا حياتي
ولو دقيقة
ضميني يا أما وارسمي
النسمة الرقيقه
يا حبيبتي يا أما يا جنتي
في بحور غريقه
