علقت الفنانة بدرية طلبة، اليوم السبت، على هجوم أحد الأشخاص، في رسالة قوية ومؤثرة لها، على موقع التواصل الاجتماعي “فيس بوك”.
بدرية طلبة في رسالة قوية: أنا ملكة الكوميديا في مصر والوطن العربي غصب عنك
وكتبت بدرية طلبة: “اللي بيته من زجاج ميحدفش الناس بالطوب، اللي عايزة تحلي نفسها مش هتطلع تتكلم على سنها، وتحكي على أحفادها، وتعمل أدوار زي اللي أنا بعملها، اللي أحافظ بيها على شكلي وعلى نفسي، ودا الست العادية بقت تعملوا.. والشعبية اللي مش عجباك شرف ليا أني معجبش واحد زيك، شوف بقا حاجة تانية قولها، علشان أنا لسة زي ما أنا، العالم كله بيحبني، ومحدش أخد ولا هيقدر ياخد مكاني.. بدرية طلبة ملكة الكوميديا في مصر والوطن العربي غصب عنك”.
على الصعيد الآخر، قالت بدرية طلبة في برنامج البخت: مفيش حد قعد على ترابيزة نفسنة أعلى من بدرية.. بختي في حتة ربنا ادهاني واتحطيت في برنامج نفسنة جت اعلانات وبقى في أعلى نسبة مشاهدة.
وقالت بدرية طلبة خلال البرنامج عن حملة منع محمد رمضان: “أشك في الموضوع لأن أهل إسكندرية قلوبهم طيبة وجدعان جدا، والكلام ده مش عشان إسكندرية بلدي.
وتابعت: أحيانا في أنواع من الدعاية بالشكل ده، إني أصنع الموضوع ويبقى دعاية، وممكن تكون الشركة المسؤولة عن حفلة محمد رمضان قامت بالحملة، لأنه نزل إسكندرية والناس استقبلته استقبال حلو”.
وأضافت: مفيش الكلام ده، أهل إسكندرية بيشيلوا الضيف على دماغهم، وأنا لسه راجعة من إسكندرية، وشوفت محمد رمضان معدي والناس والشباب بتجري وراه، أهل إسكندرية بعيد تماما عن معاداة أي فنان، ومحمد رمضان طول الوقت في الساحل وهو جزء من إسكندرية.
