قلبي دايب يامصر فيكي
وإنتي يا أمي دايبة فيا
شيلاني جوة ف عينيكي
وشايلك ف قلبي وعينيا
مش ممكن أقسي عليكي
حتي إن قسىيتي عليا
يا مصر أنا منك وليكي
ياجميلة ياغالية وأبية
أنا قصة حبك عايشها
شايفك عظيمة و قوية
ياحمامة طايرة وريشها
هفهف حب مع حرية
حياتي ف رضاكي فارشها
إمشي خطي يا أغلى ماليا
حواديت تاريخك ناقشها
جوة قلبي يا فروعنية
عاشق هواكي ونسيمك
ياريحة جدودي العظام
يا اللي مافيش مثيلك
معقول يوفيكي الكلام؟
يامصر شمسك ونيلك
تاريخي ف أصل الغرام
إزاي أنا أرحل وأسيبك
وف حضن غيرك إزاي أنام
رسالتي النهاردة اللي مالوش خير في بلده مالوش خير في غيرها حفظ الله مصر وشعبها ورئيسها وإلى أن نلتقي لكم محبتي وتحياتي الشاعر والكاتب الصحفي جرجس عبدالسيد
