عشان احب بلدي لازم احب نفسي
عشان احب بلدي لازم احب اهلي
عشان احب بلدي لازم احب ربنا
لان هو اللي أمرنا أننا نحب اوطنا
#الوطن ارض وعرض وشرف
#الوطن ارض وناس وبشر
#الوطن طير وزرع وخير
عيد ونصره وفرحه
#الوطن نجاح وفشل
الوطن ذكريات وحاضر
الوطن ولادنا وأجدادنا
الوطن ضحكة حلوة طلعة من القلب ساعة حظ
الوطن غنوة لام كلثوم وفريد الأطرش ونجاة
الوطن كلمة صباح الخير يا مصر
ويسعد مساكم يا اهلينا
الوطن كل عام وانتم بخير
الوطن فرحة دخول رمضان وصلاة تراويح
الوطن لبس العيد وعيدية
الوطن وقت الضيق والوجع
الوطن خير وشر …..حب وكره
الوطن شروق الشمس وغروبها
الوطن أهلى وزمالك ولعبة حلوة كلنا بنشجعها
الوطن بيتي وبيتك الوطن زغروته حلوة في فرح
#طب اقول لكوا الوطن ايه كمان …..
الوطن قبري وقبرك
ومأتم ع روحنا بيتجمع فيه ناس برضو من الوطن تقرا عليك القران وتشهد لك بالصلاح وتغسلك وتكرم مثواك الاخير
وتتدفن بأرض الوطن
#الوطن دعوة اب في الفجرية لابنه
#الوطن ام بتسبح بحمد الله وتدعي وتختم دعاءها لأولادها
#هو ده الوطن واكتر كمان
الوطن مش بنكنوت
واكل وشرب وشغل وبس
لا خالص
الوطن اخلاق اولاد الناس
الوطن ايد علي ايد
#عمر ما حب الوطن بيتقدر بكام في جيبي وهناكل بكره ايه……..
#علموا ولادكم يعني ايه وطن
بدل ما يجي بكره ويسالكوا مين هو الوطن؟
