يا حجه يا ام العقايس من جناب الراس
مدلدله كلت بعضيها ما الزمن وكال
فاكرا لما كانوا عكايف تتقل الاكتاف
وكانوا بيزغوا في ليلة قمر لما كنا عيال
اهم اتنحلوا يا خيتي لا نافعه امشاط ولا
فلايات ما كل شعره ركبها هم البال
فكرا فرقهم في النص دول كانوا شباب
زي عساكر افنديه واقفه طابور ع رمال
فاكرا عنيكي الواسعه اللي كانت رموشها
لما ترمش رباني تهز عمم عمام الرجال
دلوكتي يا دوب تندري يا ندري بوابة
الدرب الكبير وتتنعقلي زي العيال
وتقعدي تبعبشي علي الفلوس
تحت كليم ومخده وجوا المنطال
كفايه يا زمن عيشه عشنا كتير لا هنا
شفنا غير قاعدين متشندلين البال
ادبحلك الطيره ماتاكلي غير كبايدها
راحت السنه وقعدت ضراضيرك للقيل وقال
لابسه سيتان فوق قميص اصفر كركم
قاعد عليكي بيضحك علي دا الحال
لسه لابسه جذمتك الجلد علي الشراب
الاسود فوق قدام خشنانه ما الزمان بدال
ناسف علي صعوبة الالفاظ لاننا نحاول الحفاظ علي تراث الصعيد الجواني و توثيقه
