بعد إنفجار مرفأ بيروت المدوّي الصاعق كتبت هذه الكلمات
بيروت هدّو تلات ترباعك
قلبك نزف والكسر بضلاعك
غمرة حنانك ما بتسأل مين
مين لْ بدمِّك تاجر وباعك
دموعك شتي تنزل متل تأمين
تداوي جروح تلملم اوجاعك
كفوفك كرم بالكون مغرومين
وإيد الغدر عم تقطع ذراعك
أهلك بحضنك صفّو مظلومين
وأوضاعهم تبكي عَ أوضاعك
قلوبن عنفس الجرح ملتحمين
والأرز يغمر نهدتك بيروت
يشهق على أرواح عم بتموت
وحيتان عاشطِّك غدر بتفوت
تكسر مراكب تخزق شراعك
حسان الأشقر
