أعزائي أولياء الأمور
أعزائي أصحاب الفضل الأب و الأم
من بذلوا الغالي و النفيس لأكثر من اثنى عشرة سنةمن التعليم و ما يقرب من ثمانية عشرة سنة من التربية و الاهتمام و التوجيه و النصح و الارشاد .و لذا لزاما علينا جميعا ان نكمل ما بدأنا الا و هو أبني أبنك و متبنلوش الحكمة المصرية الريفية الاصيلة
عشان كده .
عرفوهم إن الثانوية مش نهاية العالم.
عرفوهم إن مش كل اللي جاب ٩٩٪ علماء.
عرفوهم إن مش كل اللي جاب ٧٠٪ فاشل .
عرفوهم إن مستقبلهم مش ف الكلية .
عرفوهم إن محدش بيشتغل بالكلية بتاعته بس!
عرفوهم إن اللقب اللي قبل الاسم مبجيبش فلوس .
عرفوهم إن مجتمعنا محتاج ثقافة.
عرفوهم إن الرزق مش بالشهادة .
عرفوهم إن كليات ما بعد القمه مش عار .
عرفوهم ان كليات القمة مش دايمًا فخر .
عرفوهم يعني إيه قضاء ربنا .
عرفوهم إن مفيش حاجة اسمها “كلية قمة” أساسًا و نجاحك يكمن في إنك تكون “قمة” في أي مجال تتحط فيه وبس.
عرفوهم إن ربنا بيقول ” ولا يظلم ربك أحدًا ” .
عرفوهم وفهموهم وبلاش تدبحوهم …
اقفوا معاهم واسندوهم لأنهم ف مرحلة محتاجين داعم مش ناقد …
اوعوا تقارنوهم بحد … ربنا يوفقهم و يجبر خواطرهم
و إن كان اللي علي البحر عوام ..
⬇️⬇️
ولنا لقاء اذا كان في العمر بقية
