ودعت عمري يا حنونة وجيت
عالبيت إحكي بغيبتك همّي
ونسيت حالي عالقبر ومشيت
مع ناس عالأحزان ملتمّي
عالدار من وقت لفتت ما حكيت
ونشّف غيابك بالجسم دمّي
ودبلو عيوني من كتر ما بكيت
وجفّت دموعي وقلّت الهِمّي
يمّي يا عينيّي بعد ما نسيت
فوح العطر من كمّك وكمّي
وهاك العطف كلما يا إمي جيت
عالبيت حتى ينتهي غَمّي
ويا موت عا إمي الحنونة قسيت
وما عاد ينطق بالفرح تمّي
يمكن لأني عالمحبة ربيت
كيف العمر من دون إمي بعيش
والعمر كلو بهالدني إمي،،
