وشو قيمة النظرات من دونك
والرمش لولا كحلة جفونك
والعمر كلو ومنبع النهدات
لولا ظنوني بتشبه ظنونك
وشو قيمة الأشعار والكلمات
والحبر لوما بعشق جنونك
ولوما حياتي تبتدي بالذات
بالعشق كيف بكون مجنونك
ولوما ربيعك يعشق الوردات
ما كان هاك العطر مخزونك
وصيف المحبة ما عمل سهرات
والليل ما بيقول ممنونك
يا حلوتي يا أجمل حكايات
قديش بدي ضل مسجونك
مازال عمري عاشق الأهات
تمنيت عيش بهالعمر مسجون
ويكون سجني بالدني عيونك،،
علي ناصر
