الكاتب دكتور العشماوي عبدالكريم احمد الهواري يكتب….(صبح الطيبين)
(صوره صعيدية لصباح في منزل صعيدي)
في الكن قاعد دكر حمام بيزقق فراخه
وتحته بحه راقده جوا الكن التحتاتني
نحلت من الجوع ريشها تحتها دفيان
طالعه تحتها بح متلون مزوق البناني
وام محمه جنبها بتعصج في ماجور
بميه فايره هرت الموغرفه تاني وتاني
وفص ملح ناشف تلينه الميه وتهرسه
في عجينها و اه علي شخليل العجاني
ووليدها قاعد يمص ف عود قصب ناشف
مسوس شريه ببيضات من الدكان الوراني
وجوزها بيخيط ف مرشحة جحشه الاسود
اللي كلتها سلسة ضهره بلفه ع الزباني
