سباع الفلا بالأصل من عنّا
كل الحلا منّك يا موطنّا
وكل الخلايق من زمن وزمان
مرقو وقطفو ورد من عنّا
بعدو عطر ياسمينّا باقي
والعقل صاحي والفكر راقي
كل ما تشمّو تسمعو بيقول
عطر المحبة انسكب ع وراقي
نحنا ال زرعنا بذور المحبة
نجني الثمر بقلوبنا نعبّي
نطعمي ولدنا منها ونربي
كرمال يبقى فيها يتغنّى
يلّي رحلتو بعيد
عودو لعنّا
الشموع رح منقيد
ندعي ونتمنّى
بلكي سوا منعيد
البسمة والفرحة
نشبك الايد بالإيد
قربكم جنّة
